Main hu ek nanhi si chidiya,
Mere honsalo ki udaan abhi baki hai;
Mat maro mujhe yun bojh samajhkar,
Mere hone se hi to bahar abhi baki hai.
Mat lagana ankush mere irado par,
Mera pankh failana abhi baki hai;
Mat koshish karna mujhe jhukane ki,
Kuch kar guzarne ka zazba abhi baki hai…
Tu aandhi hai toofan hai,
Tujhme bhi jalti aag hai;
Jiske tale rahe duniya roshan,
Tu hi vo jalta chirag hai.
Kuch kar guzar,
Sabko dikhana hai;
Apne naam ka sitara,
Aasman me chamkana hai.
Honsale buland rakh,
Sabko batlana hai;
Himalaya ki choti par bhi,
Apna naam likhana hai.
Apne wajood ko zinda rakh,
Kuch kar guzar jana hai;
Apne bhaya par vijay pakar,
Vijay dhvaj leharan hai…
